Omsendbriewe

OMSENDBRIEF 6 VAN 2019

OMSENDBRIEF 6 VAN 2019

BEURTKRAG

Ongelukkig is beurtkrag weer ’n realiteit.  Ons vra dat elke seun vir hom een of ander vorm van ’n ligbron saambring wat hy sou kon gebruik indien dit gebeur dat die krag af is tydens studietye.  Let wel GEEN kerse nie!

Dit is een van die dae die begin van die mini-eksamen en die manne kan nie bekostig om waardevolle studietye te mis a.g.v. die kragprobleem nie.

OLD MUTUAL INSURE AGRIFEES 2019

Ons OMI Agrifees vind vanjaar op 1 en 2 Maart plaas.  Soos u weet, is die doel van die fees om fondse te in en om as Bolandfamilie saam te verkeer.

Die naweek begin Vrydagmiddag 14:30 met 42 laerskoolrugbyspanne wat op ons velde wedstryde speel.  U ondersteuning vir hierdie wedstryde sal waardeer word.

Terwyl die laerskoolwedstryde aan die gang is, word verskeie aktiwiteite vir ons seuns op die terrein gereël.  Daar sal ook vleis- en groenteverkope in die tent wees.

Vrydagaand is ons seuns by Mej Boland in die skoolsaal en ons ouers, asook enige ander belangstellendes, by ‘n gesellige braai wat op die terrein tussen die OOV-kiosk en Boland Sentrum gehou word.  Braaipakke word te koop aangebied en kroegfasiliteite sal beskikbaar wees.  Kom kuier gerus saam.  Ons gaan 5 artikels tydens die braai opveil.

Saterdagoggend het ons weer vleis- en groenteverkope in die tent.  Dit is baie gewild en ons wil u aanmoedig om die tafels te ondersteun.  Daar word ook ‘n laat-ontbyt in die Boland Sentrum gehou.

Daar sal 26 hoërskoolrugbywedstryde vanaf 09:30 plaasvind met ons o.19A-span wat die hoofwedstryd om 14:10 vs Bellville speel.

Algemene reëlings

Daar word van u seun verwag om Vrydagaand in die koshuis te bly en eers Saterdag na afloop van die rugby huis toe te gaan.  Almal moet teenwoordig wees!!

Ons het elke seun, ouer en personeellid se entoesiasme en opoffering nodig om van hierdie fees ‘n sukses te maak – ons glo dit is moontlik!!                                                                                Manie Smit

MEJ BOLAND – VRYDAG 1 MAART

Enige iemand wat asseblief betrokke wil raak d.m.v. donasies of skenkings, kontak asseblief vir Lizanne by This email address is being protected from spambots. You need JavaScript enabled to view it..

As gevolg van die kapasiteit van die saal is daar slegs ‘n beperkte hoeveelheid kaartjies beskikbaar.  Dit moet vooraf by Lucia by die finanskantoor gekoop word en sal vanaf 18 Februarie beskikbaar wees.  Geen kaartjies word die aand by die deure verkoop nie en ongelukkig kan ons nie u plekke vooraf reserveer nie.  Koste beloop R70 per persoon en Bolandseuns woon die geleentheid gratis by.

                                                                                                                                         Lizanne  Ferreira

KAMPERING TYDENS FEESNAWEEK

Kampeerplekke is vanaf 28 Februarie om 18:00 tot 4 Maart om 10:00 beskikbaar op die E-rugbyveld en kos  R200/nag.  Daar is slegs toilet- en stortgeriewe by die tennisklubhuis beskikbaar.  Let wel daar word nie elektrisiteit voorsien nie.  Die kampeerplekke is slegs beskikbaar vir mense wat aan die skool verbonde is.  Slegs oudskoliere, wat ouers van die skool is, kan daar kom kamp.  Vir bespreking en verdere inligting, kontak Johan Moolman - This email address is being protected from spambots. You need JavaScript enabled to view it..  Geen leerders mag die Vrydagaand daar oorslaap nie.                                                                                      Johan Moolman

LEWENDE HAWE

Ons is op soek na lewende hawe vir die vleistafel.  Ons benodig skape, asook varkvleis.  Ons sal graag wil hê dat die diere op 22 Februarie by die skool afgelaai moet word.  Kontak my by 083 321 9568 of mnr Hein Jordaan by 074 952 3137 sodat ons die nodige reëlings kan tref.  Ons het regtig u hulp in die verband nodig.

                                                                                                                                  Johan van der Merwe

GROENTETAFEL

Baie dankie aan Pieter Theron en sy span wat aangebied het om die organisasie van die tafel te behartig.  U kan gerus met hom in verbinding tree (082 255 6327 / This email address is being protected from spambots. You need JavaScript enabled to view it.).  Renier Grobbelaar help met die vrugte en die vervoer daarvan (082 801 4010 / This email address is being protected from spambots. You need JavaScript enabled to view it.) en Carl Görgens met die groente

(082 579 7036 / This email address is being protected from spambots. You need JavaScript enabled to view it.).

Ons benodig asseblief die hulp van die gr 10-ouers vir Vrydag en Saterdag om die tafel te beman.

Vir enige addisionele reëlings of vrae, is u welkom om my te kontak by This email address is being protected from spambots. You need JavaScript enabled to view it..

Ons sien daarna uit om saam met u ‘n groot sukses van die tafel te maak.                          Johan Palm

BRUNCH:  SATERDAG – 2 MAART 2019

TYD

08:30 – 11:30

PLEK

BOLAND SENTRUM

KAARTJIES

R65.00

Kaartjies is beskikbaar by Lucia vanaf Vrydag 15 Februarie, asook die oggend by die deur.  Ons wil u egter aanmoedig om betyds ontbytkaartjies te koop aangesien daar slegs ‘n beperkte hoeveelheid kaartjies beskikbaar is.

Geen ontbyt sal na 11:30 bedien word nie, vanweë die feit dat die lokaal gereed gemaak moet word vir ʼn ander funksie.                                                                                    Ronél Bernardo/Marlette van Wyk

LOSGOEDVERKOPING

Ons vra weer vir ouers om tweedehandse bruikbare goedere vir ons te skenk.  Ons het 'n winskoop-tafel waar ons ou goed wat steeds in bruikbare kondisie is, gaan verkoop.  Almal het 'n "ekstra" van een of ander item wat net in die pad staan.  Bring dit gerus vir ons, iemand anders kan dit moontlik weer baie handig vind.

                                                                                                                                                           D Kok

GEBAK- EN ALLERLEITAFEL

Tydens die OM Insure Agrifees sal daar 'n Allerleitafel Saterdagoggend wees waar enige gebak, ingemaakte produkte, snuisterye, ens. verkoop word.  Ons kon nog altyd staatmaak op ons ouers vir die heerlikste eetgoed en mooi handwerk.  Enige bydrae sal baie waardeer word, aangesien hierdie tafel nie moontlik is sonder skenkings nie.  Nie-bederfbare produkte kan in die week voor die fees na die skool gestuur word.  Bederfbare produkte moet verkieslik die Saterdagoggend by die tafel afgegee word.  Vir enige verdere navrae kan u 'n e-pos stuur na This email address is being protected from spambots. You need JavaScript enabled to view it..

Dankie by voorbaat.                                                                                                                   M Jordaan

KLEREWINKEL : TYE VIR MAART TYDENS OMI AGRIFEES

Vrydag 1 Maart 2019         -           14:00 – 15:30

Saterdag 2 Maart 2019      -           09:00 – 10:30

Rugbyklere is nou reeds beskikbaar.

                                                                                                                                        Pierre Schoeman

TWEEDEHANDSE KLEREBANK

Skoolhemde

42, 107

Gratis

Grys kortbroek

32, 34, 36, 100, 102, 104, 106, 108, 110, 112, 114, 36

R35

Skooltrui

XL, 97, 102, 107, 112, 117, 122

R20

Skoolbaadjie

97, 44

R80

Swart oefenbroekie

S, L, XL

R25

Swart oefenhemp

XS, S

R25

Wit oefenhemp

3XL, 4XL

R30

Sweetpakbaadjie

XXS, S, XL

R40

Sweetpakbroek

XS, XL

R40

Wit krieketbroek

XL

R35

Tokse

Nr 9

R20

Reënbaadjie

XL

R60

Kontak my by This email address is being protected from spambots. You need JavaScript enabled to view it. of 072 844 1104                                                 Reinet Naudé

SPORT

TENNIS

Die afgelope naweek het Boland Landbou aan die 11de Groot 5-Tennistoernooi in Nelspruit deelgeneem.  Boland het algeheel sesde geëindig.Die uitslae was as volg:

SPAN

OPPONENT

UITSLAG

PRESTASIE

o.19A

Affies (AHS)

2 – 7 verloor

Ruben Joubert en Hannes de Villiers wen enkels.

o.19A

Hoërskool Nelspruit

4 – 5 verloor

Ruben Joubert, Hannes de Villiers en Philip Liebetrau wen enkels.

 

Hoërskool Monument

7 – 2 gewen

Ruben Joubert, Jandré Rabe, Hannes de Villiers, Philip Liebetrau en André Müller wen hul enkels.

Albert en Jandré wen hul dubbels.

Philip en André wen hul dubbels.

 

Hoërskool Waterkloof

4 – 5 verloor

Ruben Joubert, Jandré Rabe en Hannes de Villiers wen hul enkels. 

Ruben en Hannes wen ook hul dubbels.

Die toernooi is gewen deur Affies, Nelspruit was derde en Boland Landbou eindig algeheel sesde.  ‘n Uitstaande kenmerk van ‘n jong, onervare span is hul veggees wat hul deurentyd openbaar het.  Baie geluk ook aan Ruben Joubert wat die uitsonderlike prestasie behaal het deur al sy enkels tydens die toernooi te wen.  Voorwaar ‘n spogprestasie.                                                          Johan van der Merwe

ATLETIEK

TUKS TOP 10 BYEENKOMS

Ons twaalf top atlete het Dinsdag 12 Februarie na Pretoria vertrek om deel te neem aan die Tuks Top 10-Atletiekbyeenkoms in Pretoria.  Ons het in die afdeling vir seunskole deelgeneem en die span het uitstekend presteer!  Ons span het ‘n gemiddelde punt van 931 behaal op die ASA-tabel wat ons in die algehele vyfde plek geplaas het.  Dit is ‘n ongelooflike prestasie, aangesien van die beste seunskole in SA aan hierdie byeenkoms deelneem.

Affies het die dag gewen met ‘n totaal van 1096 punte gevolg deur KES, Menlo Park en Prestige College Pretoria.  Boland Landbou het die volgende skole uitgestof:  Jeppe, Pretoria Boys’ High, St Benedicts College, Voortrekker Bethlehem, St Albans College, HTS John Vorster en Westville Boys’ High.  Die volgende prestasies is behaal:

  1. Emile Geyser behaal ‘n vierde plek in die 200m seuns o.16 met ‘n tyd van 22.36 sekondes.
  2. Emile Geyser behaal ‘n tweede plek in die 400m seuns o.16 met ‘n tyd van 49.47 sekondes.

Hy verbeter sy eie skoolrekord wat hy twee weke gelede by die PMW-byeenkoms opgestel het.

  1. Jaunu Olivier behaal ‘n tweede plek in die Hamergooi seuns o.19 met ‘n afstand van 56.73m.

Hy verbeter sy eie skoolrekord wat hy twee weke gelede by die PMW-byeenkoms opgestel het.

  1. Dale Martin behaal ‘n vierde plek in die 200m seuns o.14 met ‘n tyd van 23.52 sekondes.

Hy verbeter sy eie skoolrekord wat hy twee weke gelede by die PMW-byeenkoms opgestel het.

  1. Marco de Witt behaal ‘n tweede plek in die Hamergooi seuns o.17 met ‘n afstand van 57.63m.
  2. Hannes van Wyk behaal ‘n eerste plek in die Hamergooi seuns o.15 met ‘n afstand van 46.79m.
  3. Andries Truter behaal ‘n tweede plek in die seuns o.15 Hamergooi met ‘n afstand van 44.44m.
  4. Connie Nieuwoudt behaal ‘n derde plek in die seuns o.15 Hamergooi met ‘n afstand van 44.39m.
  5. Aldo Rautenbach behaal ‘n vyfde plek in die seuns o.17 800m met ‘n tyd van 1:56.07 sekondes.

Baie geluk aan die seuns en hulle afrigters!

WINTER INTERSKOLE

As gevolg van die verskuiwing van die datum van die winter interskole,  asook die openbare vakansiedag op Vrydag 9 Augustus, is ons genoodsaak om veranderinge aan te bring aan die weekprogram wat die interskole voorafgaan.

Die program sal as volg daar uitsien:

Maandag

5 Augustus

Neem van skoolfoto’s tydens die skooldag. Spanbraaie die aand.

Dinsdag

6 Augustus

Mnr Boland (18:00-20:00), Mannedinee en Damesdinee.

Woensdag

7 Augustus

A-span braaie in Sentrum.

Donderdag

8 Augustus

Big Brag in skoolsaal (9:00-11:00), rugbyoefeninge vanaf

11:30 - 15:00.  Ouers kan hul seuns na afloop van die oefeninge kom haal indien hul reeds na Riversdal wil vertrek.

Vrydag

9 Augustus

Busse vertrek vanaf skool (12:00) Gholfwedstryde vind plaas by Oakdale.

Saterdag

10 Augustus

Rugbywedstryde te Oakdale.

Dankie dat ons op u as ouers se samewerking kan staatmaak om die week se reëlings so glad as moontlik te laat verloop.

J N B VAN COLLER

Wnd SKOOLHOOF

2019-02-15