ONS NUUTSTE PLAASNUUS
ONS EIE WYN & WYNKELDER DROOM
As die enigste landbouskool in die land (en dalk die wêreld) met sy eie wingerd, het ons ‘n droom om die ou Melkstalle te omskep in ‘n funksionerende opleidingskelder.
Om hierdie droom af te skop, het ons (in samewerking met Windmeul Kelder) ons eie wyn laat botteleer. Dit is ‘n heerlike 2021 Chenin Blanc asook ‘n uitstekende 2019 Cabernet/Merlot versnit. Hierdie wyn kan aanlyn bestel word en op Vrydae by die Melkstalle afgehaal word (Huidige ouers kry 10% afslag).
Skoolhoof: Kobus Hartman
Boodskap van ons skoolhoof
Welkom en dankie dat u Hoër Landbouskool Boland se webwerf besoek.
Dit is ‘n wonderlike voorreg om in die hartjie van die Boland te mag LEER, LEEF en LEI. Dit is nog ‘n groter voorreg om op Langerug-plaas te mag skoolgaan.
Ons fokus by die skool is om die seuns wat aan ons toevertrou is, met kwaliteit onderrig blootstelling te gee aan al die fasette wat Boland Landbou aan kinders kan bied.
‘n Balans tussen akademie, sport, kultuur, plaas- en koshuislewe en leierskapontwikkeling is vir ons baie belangrik. Mag ons deur alles wat ons doen, ons Skepper verheerlik en ons bodem bewaar!
Ek hoop dat u die inligting sal kry waarna u soek. Indien nie, kontak gerus die skool.
TOELATING
Die prosedure om aansoek te doen by Boland Landbouskool is so maklik soos 1,2,3.
Laai aansoekvorm af, voltooi en e-pos na [email protected]
AANSOEK
Voltooi die aansoekvorm en stuur na [email protected]
ONDERHOUD
Ons kantoor sal met u in verbinding tree vir ‘n afspraak om die skool te besoek en ‘n onderhoud met u en u seun te reël
KEURING
Sodra u deur die hele toelatingsproses is en u seun aanvaar word, sal u die toelatingsdokumente, lys van benodigdhede vir akademie, sport, koshuis en alle ander
nodige dokumente ontvang.
WELKOM HIER BY ONS
Die Hoër Landbouskool Boland is een van die toonaangewende en leidende opvoedkundige instellings in die Wes-Kaap, waar die normale akademiese kurrikulum aangevul kan word met gespesialiseerde landbou-opleiding.
Ter ondersteuning van die onderrig- en opvoedingsprogram word ‘n gebalanseerde buite-kurrikulêre program van hoogstaande gehalte aangebied.
Ons visie is ‘n toonaangewende Hoër Landbouskool wat waardegedrewe opvoeding en professionele onderrig by uitnemendheid aan die kind bied – dit impliseer dat die omgewing se behoefte na gebalanseerde gemeenskapsleiers bevredig sal word deur die ontwikkeling van ons leerders se potensiaal deur middel van ons unieke onderrigomgewing.
ONS GEBRUIK d6+ COMMUNICATOR
SKOOLDRAG EN SPORTDRAG
is net by ons klerewinkel beskikbaar, sien ons reeks nou!
BEPLAN JY ‘N WEGBREEK, FUNKSIE OF KONFERENSIE?
Ons beskik oor pragtige fasiliteite teen billike pryse , dalk net wat jy nodig het!
BORGE
LET ASSEBLIEF
Die 2021 program sal binnekort beskikbaar wees vir aflaai