Meer oor

Ons Sport

Gholf

Boland Landbou het drie spanne wat in die eerste liga speel van Boland Unie se skoleliga. Ons het ongeveer 25 spelers wat deur die jaar gholf speel. Ons wedstryde vind op Maandae plaas waar ons teen al die skole in ons omgewing speel. Ons speel twee keer ‘n jaar teen elkeen van ons teenstanders, een tuiswedstryd en een wegwedstryd. Ons tuisbaan is Wellington Gholfklub. Ons spelers kry ook elke jaar die geleentheid om wedstryde te speel op bane soos Boschenmeer, Pearl Valley en De Zalze.

Ons onderneem elke jaar ‘n gholftoer na die Suid-Kaap, waar ons in vier dae, vyf verskillende gholfbane speel. Die toer word op ‘n Ryder Bekerformaat gespeel waar ons beste 14 gholfers in 2 spanne opdeel wat teen mekaar meeding in Singles, Fourballs en Foursomes. Ons gholfers kry die geleentheid om op Pinnacle Point, George, Simola, Pezula en soveel gesogte bane in die tuinroete te speel.

Boland Landbou beskik oor sy eie, setperk om sethoue te oefen. ‘n Kaphou area en sy eie “driving range” om ons spelers die beste geleentheid te gee om as gholfers te ontwikkel.

“The more I practise, the luckier I get.” – Gary Player

KONDISIONERING EN REHABILITASIE:

  • Die skool beskik oor ‘n voltydse Sportwetenskaplike naamlik Johan van Rooyen.
  • Ons het ‘n biokinetikus en ‘n fisioterapeut wat beide op die plaas woon en elke dag tot beskikking is vir ons seuns.
  • Die skool beskik oor ‘n volledig toegeruste gimnasium wat beskikbaar is vir elke seun vanaf graad 10 tot 12.
  • ‘n Buitelug oefensentrum is beskikbaar vir graad 8 tot 12 leerders.
  • Ons sportwetenskaplike, biokinetikus en fisioterapeut is daar vir elke seun en vir elke sport by die skool.

 

ALGEMEEN:

  • Alle vervoer met ons eie voertuie is gratis.
  • Wanneer ons van openbare vervoer gebruik maak, betaal die ouers slegs die helfte van die vervoerkostes, m.a.w. wanneer die 1ste rugbyspan vlieg na Johannesburg vir die Noord/Suid-toernooi, betaal die ouers slegs die helfte van die vliegtuigkaartjie. Dieselfde geld vir die ander sporte.
  • Indien ‘n seun in meer as een somersport presteer, kan hy by Boland Landbou beide sporte doen en sal ons nooit van hom verwag om te kies tussen sporte nie. Dit bly sy besluit.
  • In die somer bied ons Atletiek, Krieket en Tennis aan en in die winter Rugby en Landloop. Gholf en Jeugskou is deurlopende sporte wat regdeur die jaar plaasvind.