Meer oor

Ons Sport

Atletiek

Boland Landbou het ‘n voltydse Hoof van Atletiek, Marnitz Jacobs (oudskolier), en beskik oor ervare en professionele afrigters wat oud provinsiale en/of nasionale atletiekafrigters of atlete was. Ons het ‘n afrigter vir elke item. Afrigters sluit in, Andre van der Burg, Marna van der Burg en Monica Hulsmann.

Drie keer per week ry ons met twee bussies na die Paarl waar ons top 30 atlete saam met die dogters van La Rochelle oefen.

Ons neem jaarliks deel aan die volgende byeenkomste:

  • Die top 10 byeenkoms in Pretoria wat by Tukkies aangebied word.
  • Die Driehoekige byeenkoms tussen Boland Landbou, HJS Paarl en Brackenfell.
  • Die top seuns byeenkoms tussen Boland Landbou, HJS Paarl, PRG, Oakdale, HTS Drostdy en Outeniqua.
  • Die top 10 atletiekbyeenkoms in Mosselbaai by die HS Punt.
  • ‘n Byeenkoms by die HS Swartland en ‘n byeenkoms by HS Bredasdorp.

Elke jaar neem daar ‘n hele aantal van ons seuns deel aan die Boland Kampioenskappe en die Wes-Kaap Kampioenskappe en ons lewer jaarliks SA atlete op.
Vanjaar op 22 Februarie het 27 atlete deelgeneem aan die Boland Kampioenskappe en 18 seuns het Boland kleure verwerf wat ‘n ongelooflike prestasie is. Op die baan lewer ons die Boland kampioen in die seuns o.14 100m, die seuns o.15 100m en die seuns o.19 400m. Ons lewer ook die Boland kampioen op in die seuns o.15 spiesgooi en die seuns o.17 diskusgooi.

Tydens die top 10 byeenkoms vanjaar op 12de Februarie in Pretoria, eindig Boland Landbou in die 4de plek. Ons klop skole soos Jeppe, Westville, St Albans College, St Benedicts College en Prestige College. Die skole wat bo ons geëindig het, was Affies, Menlo Park en KES.